Am Kader vun der Duerchféierung vun enger nohalteger Mobilitéit huet d’Gemeng Hesper hir Awunner agelueden un enger Serie vun interaktive Workshops am Mäerz 2025 deelzehuelen.
D’Zil war kloer: d’Iddien, Virschléi a Propositioune vun den Awunner ze sammelen, fir d’Verkéierssituatioun ze verbesseren, d’Sécherheet ze stäerken, ëmweltfrëndlech Verkéiersmëttel ze fërderen an d’Duerfzentren nees méi attraktiv ze maachen.
Dank der aktiver Participatioun vun den Awunner waren dës Atelieren e wichtege Schrëtt fir eng méi agreabel, méi sécher an nohalteg Mobilitéit zu Hesper. D’Resultater vun dëse Workshops ginn elo op dësem Owend presentéiert.