Alzeng

D'Uertschaft Alzeng ass ëmgi vun hiren Nopeschdierfer, Fenteng am Westen souwéi  Hesper an Izeg am Norden. D'Nationalstrooss 3 tëscht Lëtzebuerg a Fréiseng leeft duerch den Zentrum vun Alzeng.

De Camping Alzeng, bedéngt duerch seng gënschteg Lag, nëmmen e puer Kilometer vun der Haaptstad ewech, ass ideal fir Är Vakanzen zu Lëtzebuerg ze verbréngen a fir d'Stad mam Vëlo oder mam Bus ze besichen.

Bis an d'Mëtt vum 20. Joerhonnert huet Alzeng de Cachet vun engem zimmlech ländlechen Duerf behalen. Och de Bau - 1882 - vum legendären "Jangeli", mat engem Arrêt zu Alzeng, huet kee positiven Afloss op d'demografesch Entwécklung: 446 Awunner am Joer 1880,  410 am Joer 1955. Mä an de leschte fofzeg Joer, no der Schafung vun neie Wunnquartieren, ass d'Populatioun däitlech eropgaangen: am Januar 2021 waren et bal 2.300 Awunner.

Am Zentrum vun der Uertschaft, wéi och an der noer Ëmgéigend an an enger kommerzieller Aktivitéitszone, bidde Geschäfter eng grouss Auswiel u Wueren a Servicer un.