Gemengesekretariat

D’Gemengesekretariat ass zoustänneg fir d’Relatiounen tëscht de kommunale politeschen Autoritéiten, déi en « pouvoir de décision » hunn, an de Servicer, déi fir d’Ëmsetzung vun dësen Decisiounen zoustänneg sinn.

D'Aufgabe vun dësem Service sinn:

• D’Redaktioun vun den Delibératiounen vum Gemengen- a Schäfferot;
• D‘Koordinatioun vun der Exekutioun vun den Decisioune vum Gemengen- a Schäfferot;
• D’Virbereedung vum Ordre du Jour an de Procès Verbaux vun de Seancen;
• D’Féiere vun de Regëstere vun den Delibératiounen;
• De Suivi vun den Delibératioune vum Gemengerot;
• D’Assistance vum Gemengen- a Schäfferot;
• D’Gestioun vun de Rendez-vouse vum Gemengen- a Schäfferot;
• D’Koordinatioun vun de Gemengeservicer;
• D’Gestioun vum Courrier an d’Ausdeelen un déi verschidde kompetent Servicer;
• D’Gestioun an d’Koordinatioun vu juristeschen Affären;
• D’Gestioun vun de kommunale Reglementer a Konventiounen;
• D‘Redaktioun vun der Korrespondenz vun der Gemeng;
• D'Kontersignature vun Extraite vun den Delibératioune vum Gemengen- a Schäfferot, vun der Korrespondenz vun der Gemeng, vun de Mandaten a vun den Titres de Recette.